Бизнес-модель
Бәсекелестік артықшылықтар
Қазақстан – елеулі ресурстық базасы бар, тиімді орналасқан және Еуропа мен серпінді дамып жатқан Азия нарықтарына, оның ішінде, Қытайға өнім жеткізуге бірегей мүмкіндігі бар ел.
ҚМГ қосылған құнды құру тізбегінің барлық кезеңдерінде толық интеграцияланған Қазақстанның мұнай-газ саласының ұлттық көшбасшысы болып табылады.
Бірнеше жыл бойы Компанияның қаржылық орнықтылығын қолдау бойынша ауқымды іс-шараларды іске асыру нәтижесінде Компания мұнайдың төмен бағасының алдыңғы кезеңдерімен салыстырғанда 2020 жылы жаңа сын-қатерлерге барынша дайын болды.
ҚМГ-нің тартымды өсу әлеуеті бар мұнай мен газ өндіру активтерінің әртараптандырылған қоржыны бар.
ҚМГ үлесі елдің мұнай тасымалдау нарығында – 56% және газ тасымалдау нарығында – 77%.
Компания терең жаңғыртудан өткен Қазақстандағы ең ірі төрт МӨЗ бен Румыниядағы екі МӨЗ-ді бақылайды.
Орнықты даму ҚМГ-нің стратегиялық басымдықтарының бірі болып табылады.
МҮДДЕЛІ ТАРАПТАР ҮШІН ҚҰНДЫЛЫҚТАР
Геологиялық барлаудан бастап мұнай өнімдерін сатуға дейінгі елдің мұнай-газ саласының әрбір сегментіндегі көшбасшылық және қатысу компанияға мүдделі тараптардың кең ауқымы үшін құндылық жасауға мүмкіндік береді. ҚМГ акционерлерге тұрақты төлемдерді жүзеге асырады, инвесторлар мен кредиторлар алдындағы міндеттемелерді тиісті түрде орындайды, ірі жұмыс беруші және салық төлеуші болып табылады, серіктестермен өзара тиімді ынтымақтастықты арттырады, әлеуметтік жобаларға инвестиция салады және экологиялық қауіпсіздіктің жоғары стандарттарын қамтамасыз етеді: