ДИРЕКТОРЛАР КЕҢЕСІНІҢ 2020 ЖЫЛҒЫ ЖҰМЫСЫ
Комитеттер қимасында:
- Стратегия және қоржынды басқару жөніндегі комитет (СҚБК): 5 отырыс, 84 сұрақ;
- Тағайындау және сыйақылар жөніндегі комитет (ТжСК): 12 отырыс, 88 сұрақ;
- Аудит жөніндегі комитет (АК): 9 отырыс, 108 сұрақ;
- Еңбек қауіпсіздігі, еңбекті және қоршаған ортаны қорғау және орнықты даму комитеті (ЕҚЕҚОҚОДК): 4 отырыс, 40 сұрақ;
- Қаржы комитеті ( ҚК): 3 отырыс, 23 сұрақ.
2020 жылы Директорлар кеңесі ҚМГ даму стратегиясын өзектендіру, қаржылық орнықтылықты қамтамасыз ету, инвестициялық жобаларды басқару және орнықты даму проблематикасы, корпоративтік басқаруды жетілдіру, ішкі аудит және тәуекелдерді басқару мәселелері, менеджмент қызметінің негізгі көрсеткіштерін әзірлеу, цифрлық трансформация мәселелері, сондай-ақ қызметкерлердің қауіпсіздігі мен әл-ауқаты мәселелеріне ерекше назар аударды.
2020 ЖЫЛҒЫ СТРАТЕГИЯЛЫҚ СЕССИЯ
2020 жылғы 20 қарашада Стратегиялық сессия (Компанияның Даму стратегиясы бойынша Директорлар кеңесінің жеке отырысы) өткізілді, оның барысында өзгерген сыртқы орта мен дағдарысқа қарсы шараларды ескере отырып, 2018 жылы бекітілген ҚМГ-нің 2028 жылға дейінгі Даму стратегиясын іске асыруға байланысты мәселелер қаралды. ҚМГ-нің Директорлар кеңесі мен Басқарма мүшелері арасында ең өзекті тақырыптар бойынша сындарлы пікірталас өтті. Атап айтқанда, ҚМГ-нің қолданыстағы Даму стратегиясы, ағымдағы құн тізбегі, ҚМГ қызметінің тиімділігін арттыру және трансформациясы, активтер қоржыны және бизнесті ықтимал әртараптандыру, ҚМГнің перспективалық және орнықты дамы мәселелері қозғалды.
КОМПАНИЯНЫҢ НЕГІЗГІ МӘСЕЛЕЛЕРІНІҢ ІСКЕ АСЫРЫЛУЫН БАҚЫЛАУ
ҚМГ-нің стратегиялық бастамаларына бақылауды жүзеге асыру және уақытылы түзету шараларын қабылдау мақсатында Директорлар кеңесі қызметінің негізгі өзгерістері бойынша ҚМГ Басқарма төрағасының есебін, еңбекті және қоршаған ортаны қорғау жөніндегі ақпаратты, қаржы-шаруашылық қызметтің алдын ала нәтижелері бойынша есепті, жасалуына мүдделілік бар, олар бойынша Басқарма шешім қабылдаған мәмілелер туралы есепті, стратегияны, ҚНК-ны және инвестициялық жобаларды орындау мәртебесіне шолуды, ҚМГ-нің шоғырландырылған Даму жоспарын іске асыру туралы есепті, тәуекелдер жөніндегі есепті, Директорлар кеңесі комитеттері төрағаларының есептерін, Директорлар кеңесі шешімдерінің орындалуы туралы есепті, сондай-ақ Директорлар кеңесіне есеп беретін қызметтердің жұмысы туралы есептерді тұрақты түрде тыңдайды.
Директорлар кеңесінің Стратегия және қоржынды басқару жөніндегі комитеті әрбір отырыста ірі мұнай-газ жобаларын (Қашаған, Қарашығанақ, Теңіз кен орындарында) іске асыру, трансформация, жекешелендіру туралы есептерді қарайды және талқылайды.
| Директорлар кеңесінің мүшесі | 2020 жылдағы отырыстар Бірінші цифр Директорлар кеңесінің мүшесі қатысқан отырыстардың санын, екіншісі - Директорлар кеңесінің мүшесі қатыса алатын отырыстардың жалпы санын көрсетеді. | |||||
|---|---|---|---|---|---|---|
| Директорлар кеңесі | Аудит жөніндегі комитет | Тағайындау және сыйақылар жөніндегі комитет | Стратегия және қоржынды басқару жөніндегі комитет | Қаржы комитет | Еңбек қауіпсіздігі, еңбекті және қоршаған ортаны қорғау және орнықты даму комитеті | |
| Уолтон Кристофер Джон | 16/16 | 3/3 | 12/12 | 5/5 | 3/3 | 4/4 |
| Уайт Стивен | 7/7 | 6/6 | 8/8 | 3/3 | 3/3 | 2/2 |
| Дайер Филип | 7/7 | 6/6 | 8/8 | 3/3 | 3/3 | 2/2 |
| Виана Палья да Силва Луис | 7/7 | 6/6 | 8/8 | 3/3 | 3/3 | 2/2 |
| Грюал Балжит | 7/7 | – | – | 3/3 | 3/3 | – |
| Карабалин Узакбай Сулейменович | 16/16 | – | 8/8 | 5/5 | – | 4/4 |
| Саткалиев Алмасадам Маиданович | 16/16 | – | – | – | – | – |
| Эспина Энтони | 16/16 | – | 12/12 | 5/5 | 3/3 | – |
| Айдарбаев Алик Серикович | 16/16 | – | – | – | – | – |
| Холланд Филип | 9/9 | 3/3 | 4/4 | 2/2 | – | – |
| Миллер Тимоти | 9/9 | 3/3 | – | 2/2 | – | 2/2 |
Директорлар кеңесінің төрағасы мен оның ролі
Директорлар кеңесінің төрағасы Директорлар кеңесіне жалпы басшылық үшін жауап береді, Директорлар кеңесінің өзінің негізгі функцияларының толық және тиімді іске асырылуын және Директорлар кеңесінің мүшелері, ірі акционерлер мен Басқарма арасында конструктивтік диалогтың құрылуын қамтамасыз етеді. Тәуелсіз директор Директорлар кеңесінің төрағасы болып табылады.
Тәуелсіз директорлар мен олардың ролі
Тәуелсіз директорлар тәуелсіздіктің барлық заңнамалық критерийлеріне, сондай-ақ «Самұрық-Қазына» АҚ компанияларының директорлар кеңесінің құрамдарын қалыптастыру қағидаларына және Кодекске сәйкес келеді.
Ең үздік халықаралық практикаларды ұстана отырып, Компания өзінің тәуелсіз директорларының жоғары стандарттарға сәйкес келуіне ұмтылады және директордың тәуелсіздігін нашарлата алатын немесе нашарлатты деп көрінетін өзге мән-жайлардың жоқ екенін мәлімдейді. Директорлар кеңесінің жұмысында Директорлар кеңесінің комитеттерінде көпшілікті құрайтын және олардың төрағалары болып табылатын тәуелсіз директорларға маңызды роль бөлінген.
Директорлар кеңесінде сабақтастықты жоспарлау, лауазымға кіру және біліктілікті арттыру
Компания Директорлар кеңесі мүшелерінің сабақтастығын қамтамасыз ету саясаты мен сабақтастық жоспарын әзірледі, бұл ретте Тағайындау және сыйақылар жөніндегі комитеттің отырысы шеңберінде Директорлар кеңесінің қызметін бағалауды ескере отырып, осы құжаттарды қайта қарау туралы шешім қабылданды.
ҚМГ-де Директорлар кеңесі 2017 жылы бекіткен ҚМГ Директорлар кеңесінің жаңадан сайланған мүшелері үшін лауазымға енгізу бағдарламасы (бұдан әрі – Бағдарлама) қолданылады. 2020 жылғы маусымда Бағдарлама Директорлар кеңесінің шешімімен Компанияның функционалдық блоктарының басшыларымен кездесулер, сондай-ақ Директорлар кеңесі комитеттерінің төрағаларымен кездесулер өткізу қажеттілігі туралы тармақпен толықтырылды. Корпоративтік хатшы Бағдарламаның орындалуына, яғни Директорлар кеңесінің жаңадан сайланған мүшелерінің онда көзделген барлық іс-шаралардың іс жүзінде өтуіне мониторинг жүргізеді. 2020 жыл ішінде Бағдарламаға сәйкес лауазымға енгізу рәсімінен ҚМГ Директорлар кеңесінің жаңадан сайланған мүшелері Ф.М. Холланд және А. Г. Миллер өтті, олар сұрау салу бойынша ҚМГ функционалдық блоктарының басшыларымен кездесулер ұйымдастырды. Директорлар кеңесінің төрағасы К.Д.Уолтон сондай-ақ Бағдарламаның өтуін ұйымдастыру мәселелерін талқылау мақсатында Директорлар кеңесінің жаңадан сайланған мүшелерімен конференц-қоңырау өткізді.
Директорлар кеңесінің мүшелері өз біліктілігін үздіксіз жетілдіріп отырады және өткен тренингтер туралы мәліметтерді ұсынады, олар туралы ақпарат Компанияның веб-сайтында орналастырылады.